Panton Aceh tentang upacara adat Aceh yaitu Peusijuk
Assalamualaikum warahmatullah wabarakatuh!
Krue seumangat Rahmat meu sipreuk
Adat peusijuek keuneubah maja
Geu tung Beureukat adat peusijuek
Pade geu sipreuk geuteupông tawa
Peukakah phôn geu kheun dalông
Makna meuhimpôn beusabee bersama
Beusapat sabee saleng menulông
Ngon iradah rabbôn geutanyo teuga
Yang kedua na bu leukat,
Leukit meusirat makmu ngon jaya
Beugeubi teuntram le Allah hadzarat,
Bék sampe sesat jalan yang beuna
Bu lukat kunéng jaya ngon makmu
Sabee meusyuhu dalam sijahtra
Bu lukat puteh lambang yang suci
Teuntram Allah bri sabee bahgia
Geu Peubreuh pade makna meususôn
Bek na sifeut sombong meu ubee seuma
Beurangdum manyang jabatan geuseu-ôn
Teutap peumiyub rung bek teukaboe riya
Geu Teupong taweu geureutek ngon ie,
Maksud beu leupi sampe lam jiwa
Peugleh hate beusabee suci
Takot keu rabbi bek roh but meulangga
On seusijuk ngon manek mano
Meu ikat keuno ngon naleung samboe
Mandum meu ikat sapat lam talo
Makna meusampo ta keurjasama
Ngon musyawarah cok keuputusan
Erat hubungan rakyat ngon raja
Meutanggong jaweub ateuh amanah
Bek sagai bicah hubungan tabina
Mandum peukateun geutoep ngon Sangee
Lindông talakée nibak rabbana
Mandum keuheundak Allah peuteuntée
Do'a ta lake beu meunang teuma
Assalamualaikum warahmatullah wabarakatuh!
Krue seumangat Rahmat meu sipreuk
Adat peusijuek keuneubah maja
Geu tung Beureukat adat peusijuek
Pade geu sipreuk geuteupông tawa
Peukakah phôn geu kheun dalông
Makna meuhimpôn beusabee bersama
Beusapat sabee saleng menulông
Ngon iradah rabbôn geutanyo teuga
Yang kedua na bu leukat,
Leukit meusirat makmu ngon jaya
Beugeubi teuntram le Allah hadzarat,
Bék sampe sesat jalan yang beuna
Bu lukat kunéng jaya ngon makmu
Sabee meusyuhu dalam sijahtra
Bu lukat puteh lambang yang suci
Teuntram Allah bri sabee bahgia
Geu Peubreuh pade makna meususôn
Bek na sifeut sombong meu ubee seuma
Beurangdum manyang jabatan geuseu-ôn
Teutap peumiyub rung bek teukaboe riya
Geu Teupong taweu geureutek ngon ie,
Maksud beu leupi sampe lam jiwa
Peugleh hate beusabee suci
Takot keu rabbi bek roh but meulangga
On seusijuk ngon manek mano
Meu ikat keuno ngon naleung samboe
Mandum meu ikat sapat lam talo
Makna meusampo ta keurjasama
Ngon musyawarah cok keuputusan
Erat hubungan rakyat ngon raja
Meutanggong jaweub ateuh amanah
Bek sagai bicah hubungan tabina
Mandum peukateun geutoep ngon Sangee
Lindông talakée nibak rabbana
Mandum keuheundak Allah peuteuntée
Do'a ta lake beu meunang teuma